IED components narekober sa awtoridad

Davao City – Narekober sa mga personahe sa Regional Mobile Force Battalion 11 (RMFB-XI) ang mga Improvised Explosive Device (IED) components ingon man armas sa Cateel, Davao Oriental nahitabo adlaw’ng Dominggo, Marso 4.

Saysay ni RMFB-XI commander Police Lt. Col. Maximo Sebastian Jr. nga samtang nagkuha og tubig sa sapa sa maong lugar ang iyang mga personahe, nakita niini ang duha ka mga lalaki nga naligo niadtong tungora diin napansin niini ang dala’ng mga armas gani sa pagkakita sa mga awtoridad daling misibat paingon sa kalasangan ang mga suspetsado.

Gani nahitabo ang ginukdanay apan malampusong naka-ikyas ang mga naasoy apan nabilin ang mga IED components.


Sa pikas bahin dako ang pagtoo ni Police Regional Office 11 (PRO-XI) director P/BGen. Marcelo Morales nga plano sa maong grupo nga tighimo og bomba nga batukan ang mga ginalusad nga operasyon sa pundok sa gobyerno.

RadyoMaN Jason Amisola

Facebook Comments