Sultan Kudarat – malampusong narekober sa awtoridad ang gituohang Improvised Explosive Device pasado alas 9:00 sa gabie sa dalang kalawag dos, Isulan, Sultan kudarat dungan sa selebrasyon sa Kalimudan Festival.
Sumala kang Provincial Police Director Raul Supiter nga sila nakadawat ug report nga dunay kadudahang butang nga nakaplagan sa lugar rason nga gilayon nga mirespondi ang EOD team aron sutaon ang maong report.
Pag-abot sa lugar nakaplagan ang duha ka commercial nga oil container nga gibutang sa tunga sa usa ka tricycle, duna kini sulod nga mga lansang, pulbura ug usa ka improvised blasting cap.
Wala pa usab masayran kung unsang grupo ang nagpaluyo sa pagbutang ug IED sa lugar. Nasayran nga walay triggering device ang maong IED apan aduna kini fuse nga kinahanglan pang sindihan aron mubusikad.
Sa karon anaa na sa kustudiya sa EOD ang IED ug padayon pa ang gihimong imbistigasyon sa kapulisan kalabutan sa insidenti.
