Napunggan nga magsigabong ang ginbilin nga Improvised Explosive Device ukon IED pasado alas 9:00 kagab-i sa national highway sang Kalawag 2, Isulan, Sultan Kudarat.
Suno kay Police Sr. Supt. Raul Supiter Police Provincial Director sang Sultan Kudarat Pnp nakabaton sila sang tawag halin sa concern citizen angot sa ginbilin nga IED sa lugar amo nga gilayon sila nga nagrespondir upod ang EOD team.
Nakabutang naman suno kay Supiter ang nasambit nga eksplosibo sa duha ka mga oil plastic container nga may-yara sang gun powder, lansang, triggering device kag iban pa.
Dugang pa nga kon magsigabong ang nasambit nga ied ang makatuga sang halit sa mga pumuluyo kag makatuga sang sunog tungod maigo ang tangke sang mga gasolina nga karga sang nakaparking nga mga salakyan sa nasambit nga area.
Sa subong suno kay Supiter sa subong nagapadayon ang ila nga imbestigasyon para matumod ang mga responsable sa pagbilin sang IED sa lugar.
Ginkumpirmar man sang Police Provincial Director nga bag-o pa man ang selebrasyon sang Kalimudan Festival may-yara na sila sang nabaton nga impormasyon nga may mangsabotahe sa nasambit nga selebrasyon sang probinsya.
