South Cotabato—angol ang usa ka lalaki human nga mibangga ang gimanihuang motorsiklo niini sa poste sa kuryenti nga iyaha sa SOCOTECO 1 sa national highway, sakop sa Purok Tuboran, Barangay Sta. Cruz , Koronadal City.
Biktima giilang si Ronelo Sencil Dilao, 34-anyos, welder nga nakabase sa Department of Public Works and Highways (DPWH) ug residente sa Barangay New Iloilo, Tantangan, South Cotabato.
Base sa inisyal nga report sa Traffic Management Unit sa Koronadal PNP, gikaingong gimanihuan sa biktima ang iyang motorsiklo padulong sa Alunan Avenue apan disgrasyang na-overshoot ug milahos sa poste sa kuryente.
Gilayon man nga mirespondi ang mga bystander sa lugar ug gitabangan ang biktima nga madala sa Ospital. Sa karon luwas na sa makuyaw nga kahimtang ang biktima ug kasamtang nagpaalim nalang sa iyang mga samad.
