Davao City – Napugngan sa mga otoridad ang suway unta nga pagpalusot sa usa ka bomba dinhi sa syudad sa Dabaw ganinang buntag human nga na-intercept sa mga elemento sa Task Force Davao ang gi-ingong IED sulod sa usa ka bagahe sa may Lasang, Davao City.
Gikumpirma ni Task Force Davao Commander Col. Nolasco Mempin atol sa interbyu sa DXDC RMN Davao nga usa ka IED ang nakuha human duna silay nadawat nga impormasyon nga dunay suspetsosong butang kilid sa kalsada.
“Hindi hand grenade, improvide explosive device siya na home made out of pvc pipes and fertilizers,” sigun ni Mempin.
Daling gipaadtuan ang maong area sa Explosive Ordinance Division Team ug K9 ganinang alas 6 sa buntag ug narekober ang maong IED alas 6:30 sa buntag.
Ang maong IED gikustodiya karon sa Task Force Davao.
Sa karon, doble alerto ang TF Davao lakip ang uban pang security forces alang sa pagbantay sa seguridad sa syudad ilabi na sa pagpahigayon og dagko nga aktibidad sama sa ipahigayon dinhi nga Davao Region Athletic Association (Davraa) Meet 2018 karong bulana.
RadyoMaN Renz Barbarona
