Narekober sang tropa sang gobyerno ang improvised explosive device (IED) sa Barangay Salman, Ampatuan, Maguindanao sang tinalikdan nga adlaw.
Suno kay WestMinCom Commander Lt. Gen. Corleto Vinluan, Jr. ang tropa sang 1st Mechanized Infantry Battalion ang nagapatigayon sang clearing operations sang nadiskubrihan ang IED nga himo sa 105mm projectile.
Ginturn-over naman ang nasambit nga eksplosibo sa Explosive Ordnance Disposal Team para sa nagakaigo nga disposisyon.
Samtang ginpahayag ni Maj. Gen. Juvymax Uy, Commander sang Joint Task Force Central nga ginakondena nila ang terroristic activity nga nabutang sa delikado ang kabuhi sang mga inosenti nga sibilyan.
Suno kay Major Gen Uy padayon ang pagpabakod sang ila nga operasyon agud tapnaun ang indi tawhanon nga buluhaton sang mga terorista nga grupo.
