Gipangayo ni Bishop Felixberto Calang sa simbahang Iglesia Filipina Independiente kon IFI sa mga official sa Cagayan de Oro City police office kon COCPO nga ilang ilhon kinsa kining mga tawo nga sakop sa IP CDO.
Matud ni Calang nga ilang gikinahanlan masayran kinsay naglangkob sa IP CDO nga maoy mi-angkon nga nag-vandal sa koral sa ilang Simbahan sa Bulua ug barangay 12 nga nagpasangil sa mga Pari sa IFI church nga mga terorista ug Supporters sa NPA
Gibutyag ni Calang nga dili mo-undang ang Simbahang IFI sa ilang panawagan sa kapolisan sa Bulua aron ilang ilhon ang mga suspects ug pasakaan sa kaso.
Gipasabot sa maong Opispo nga andam ang IFI church nga mopaluyo sa kasong ipasaka sa Bulua Police batok sa mga suspects nga mihimo sa pag-vandal sa ilang simbahan.
