Nahimong malampuson ang signing sa Memorandum of Agreement (MOA) isip partnership sa RMN Foundation, Inc. pinaagi sa iFM 93.9 Davao ug Department of Education Region XI – Schools Division of Davao City sa paghatud sa Radio Based Instruction (RBI) – usa sa mga learning modality alang sa mga learners dinhi sa siyudad.
And MOA gipirmahan ni Gerry P. Lumantas, Station Manager sa iFM 93.9 Davao ug ni Reynaldo M. Guillena, CESO V – Schools Division Superintendent.
Gisulti ni Guillena nga bisan pa’g wala na’y COVID19 pandemic, magpadayon gihapon ang radio-based instruction alang sa mga learners aron mamahimo silang mga tarong ug responsableng mga indibidwal.
“Today is just the beginning of that very important partnership, of that very close relationship between and among us” ingon ni Guillena
Ang iFM 93.9 Davao mugahin og 1-hour radio program sa DepEd matag Domingo alang sa pagtuon sa mga estudyante sa syudad.
