Special kaayo ang programang iFM Comfort Room ugmang adlawa, Pebrero 8, tungod kay anaay guest nga singer. Ang local artist nga mo-awit sa song request sa letter sender mao si alyas Demz Shock nga Demetrio Echavez Jr. sa tinuod nga kinabuhi. Usa ka amahan ug medyo anaa poy daghang kasinatian sa kaminyoon ug gugma.
Usa siya ka drummer sa usa ka banda ug vocalist pud. Tigtukaran sa daghang mga resto ug tindahan dinhi sa Sugbo. Ug malipayon kaayo ang iFM Cebu Team tungod sa iyang pagsanong sa atoang imbitasyon.
Atangi ugma sa ala 1 hangtod alas 3 sa hapon ang pag-awit ni Demz Shock ug ang sugilanon pud nga iyang halaran sa iyang awit.
Sa miaging mga tuig, naandan na ang week-long Valentines celebration alang sa programa matag 1 sa hapon kauban si Dj Maikee Gol.
Ugma, atoa pong ila-ilahon ang mo-awit alang sa letter sender para sa Pebrero 9 nga episode sa maong programa.
Kudos sa tanang bisaya nga mga musikero!
