iFM Comfort Room,
Maayong hapon kaninyong tanang nagasunod niining programa.
Tagua lang ko sa pangan nga Justin. Usa ko ka estudyante sa usa sa mga universities diri sa Cebu. Graduating nko DJ, 25 years old ug igo ra gyud kong nag-abang diri kay taga Bohol mn jud ko. Naa koy nagirlfriend , malipayon man unta mi sukad nga nagkakami, kay sa dili pagpanghambug, tarung mn jud ang akong intention sa iyaha ug gihigugma jud nko siya pag-au. Bisan pa gne sa akong paglarga kay apprenticeship man sa akong kurso nga nautical, siya ra gyud ang akong gihunahuna ug kada nay panahon, makig communicate jud ko niya bisan pag naa mi sa laing nasud. Suod na pod mi sa among tagsa-tagsa ka pamilya. Mahulog nga murag perpekto na gyud ang tanan ug nakaingon pa gane ko nga siya na gyud ang akong pakaslan pohon.
Padung na unta mi mag 3 years iFM Comfort Room pero nahanaw lang ang tanan nakong mga pangandoy. Sa akong pg-uli DJ, maoy nisugat nako ang balita gikan sa akong girlfriend nga buntis siya, 3 months na kay naa pod diay siyay nauyab samtang wala ko sa Cebu. Wala ko makasabot sa akong gibati, kalagot ug kalouy nga nagsagol ug naluya ko pag-au. Naghilak akong girlfriend sa akong atubangan, gihigugma ko niya pero kinahanglan na daw ming magbuwag kay naa daw ang amahan sa bata.
2 months ang nilabay ug mura na kog wala sa akong kaugalingon pero naningkamot nga magfocus sa pageskwela na lang. Akong nadawat ang balita nga gibiyaan diay ang akong x-gf sa iyang laki. Nahigugma kaau ko sa akong gf iFM Comfort Room mao ning karun naglibog ko kong angay pa ba kong makigbalik niya human sa mga panghitabo. Palihug tambagi ko. Request ko sa song nga Bakit Ba by Siakol.
Daghang salamat.
Justin
Gusto ba kang makadungog sa mga tambag para sa atung letter sender ? Paminaw lang sa programang iFM Comfort Room kauban inyong DJ Maikee Gol (FB: Maikee Gol Ifmcebu) matag 1-3PM (Mondays-Saturdays). Please also visit our official Facebook Fanpage www.facebook.com/ifmcebuofficial/
Para sa mga gustong mamahimong letter sender , share your stories sa ifmcomfortroom@gmail.com
Daghang salamat. Sa sunod na pod nga sugilanon, idol !
