iFM Comfort Room,
Hello mga idol. Ako diay si Anjill. Mushare lang ko sa akong problema about sa lovelife.
Akong boyfriend, usa ka crew sa usa ka cruise ship. Sa agency nga iyang gigikanan kay tag 9 months jud na iyang kontrata. Kapila na gud na pabalikbalik na siya ngadto DJ Maikee Gol. Nalipay sad ko kay natuman na jud gani iyang pangandoy nga makatabang siya sa iyang ginikanan. Lisod man gud na sila iFM Comfort Room. Siya pa jud ang breadwinner ug pinakabootan nilang lima ka managsuon. I can say, I am proud to be his girlfriend.
Proud 100% sauna pero karun tainted naman amung 3-year relationship iFM Comfort Room. Kahibaw ko nga sa past sa akong boyfriend. He knew everything about me pod. Walay tago-tago bisan unsa pa kagamay ang promise namu sa matag-usa. Bisan dili baya same sa uban ang amung pagka LDR (long distance relationship) sa akong boyfriend, dili pareha anang tagduha katuig, pero kahibaw ka DJ Maikee Gol, dili gihapon sayon oy. Mingawon baya jud ko sa akong boyfriend. Pero wala man juy signs nga magduda ko sa iyang love and loyalty sa amung duha.
Hangtod nga naa koy friend. Kana gud normal nga scroll2x sa newsfeed sa facebook. Ang akong friend kay naa pod sa cruise ship iyang boyfriend. Dili sad nuon mi close ani niya but enough nga makaask kog few questions bahin sa mga happenings ngadto sa trabahuan sa iyang uyab. Amung topic nilead jud sa usa ka girl nga maoy nakahatag ug problema nako karun. Dili na gani ko mahimutang, maong magsige kog update sa akong boyfriend.
iFM Comfort Room, what I found out is kauban akong boyfriend sa mismo nga cruise ship ug iyahang Ex. 5 years lang naman sila gud. Mura jud ug gikusnit akong heart, kanang sakitsakit siya basta akong mahunahunaan but dili ko ganahan muask sa akong boyfriend. Abi pa lang gaduda nako. Pero bitaw, my boyfriend told me nga gamaoy jud siya about sa iyang ex sauna. Years before siya nakauyab since atu na girl. Nakauyab siya but it never worked out with anyone until nakaila ko niya. I felt so insecure karun. Nasakitan jud bitaw ko but gapugong lang jud ko. I’m trying not to get angry sa akong boyfriend sa times nga mabusy siya ug di kareply dayon sa chat. Akong mahunahunaan man gud dayon, gakuyog na sad sila sa iyang ex. Sakita lage
Nganu kahang wala nisulti akong boyfriend about sa iyang ex nga naa pod sa iyang workplace DJ Maikee Gol sah ? Mangutana pa ba ko? Dili ba ko mugawas nga bati na nuon ? Di ko ganahan makaingon siya ba nga nagduda na ko ug sugod. Unsaon man ni nako oy.
Please tambagi ko iFM Comfort Room.
Yours Truly,
Anjill
***
Gusto ba kang makadungog sa mga tambag para sa atung letter sender ? Paminaw lang sa programang iFM Comfort Room kauban inyong DJ Maikee Gol (FB: Maikee Gol Ifmcebu) matag 1-3PM (Mondays-Saturdays). Please also visit our official Facebook Fanpage www.facebook.com/ifmcebuofficial/
Para sa mga gustong mamahimong letter sender , share your stories sa ifmcomfortroom@gmail.com
Daghang salamat. Sa sunod na pod nga sugilanon, idol !
