iFM Comfort Room,
My name is Jean. Akong problem DJ Maikee Gol is all about my boyfriend. We’ve been together for 5 years na. Galive-in diay ming duha.
Call center agents mi niya. Ang nakalahi namu kay ako tenured na sa akong trabahuan, samtang siya, wala gyud na siya mapirmaninte sa iyang mga gipangsudlan. Maregular unya mukatok ang utok, muundang lang ug kalit. Gasalig siya nga makapadala ra ug kwarta anytime iyang igsuon nga naa sa gawas. Naa ray makatabang niya ug magkalisod.
Ambot, somehow mablame nako akong self kay forgiving ra kaayo ko sa akong boyfriend. Naanad nalang siguro ko sa iyang kagahi ug ulo. But you know what, I really love him. I got no one else, wala man gud koy family kay naa sila sa gawas and we never really talked na jud nila papa ug sa akong half brother. I learned to be all by myself until nga nakaila nako akong boyfriend.
Akong problema is kining akong boyfriend, naa na siyay anak sa laing girl. 2 years old na. And yes, I really love him kay gidawat nako siya despite sa bata nga namugna out of cheating. Nakigbuwag ko apan wala ra sad nako maagwanta, nakigbalik ra sad ko niya. Naa naman gud siyay suicidal tendencies, maglaslas sa iyang kamot. Tungod pod sa pagpasabot sa iyang igsuon maong nipadayon nalang ko. Dili nako siya basta lang mabiyaan. So ang nahulog nga nagsupport sa bata, ang akong boyfriend ug ako nanang dawat. Pero sa sige niyag balhinbalhin ug company, dili na masigo iyang kwarta, ako pay makahatag. Sauna mutabang iyang igsuon apan sukad nasakit na iyang papa ug cancer sa liver so dako ug bayranan sa ospital ug medications pa. Iyang igsuon maoy nagsagubang ini.
Wala na jud koy choice kundi ang mutabang sa akong boyfriend. Mubalibad ko, mag-away mi. Magsige mig lalis. DIili na jud gani ko mahappy. Buwag balik mi. Makigbuwag ko. Igka ugma ana, mahibaw-an nako nga galaslas-laslas na pod siya. Ngari man gud na mudangop ang iyang igsoon nako kay para lage maulian ang akong uyab. Syempre, masakitan sad ko iFM Comfort Room. Love jud siguro ko sa akong boyfriend kay mamatay man jud kuno siya kung wala ko. Mao ning nahitabo namu, kada buwag, manghadlok sa pagkutlo sa iyang kinabuhi. Bisan unsaon, mabira ra man jud gihapon ko pabalik niya. To be honest, yes, love kaayo pod nako siya. Pero dili na jud ni makahappy ang mga nahitabo namung duha. Sakit nas dughan, makabuslot pas bulsa. Iyang igsoon, sige lang ug pasalig. Ako pod, sige sad ug salig. Mausab ra lage ni akong uyab. Mao jud na pirmi akong hunahunaon DJ pero ambot nalang jud.
I’m confused, nahadlok ba ko nga mupalayo niya tungod sa iyang paghikoghikog or nahadlok lang ko malayo ko niya. Makigbuwag nalang ba jud ko niya for real ? Bahalag naa siyay suicidal tendencies ? Di ba nako mablame akong self kung maunsa siya?
Tambagi ko DJ Maikee Gol. Please help me.
Love,
Jean
***
Gusto ba kang makadungog sa mga tambag para sa atung letter sender ? Paminaw lang sa programang iFM Comfort Room kauban inyong DJ Maikee Gol (FB: Maikee Gol Ifmcebu) matag 1-3PM (Mondays-Saturdays). Please also visit our official Facebook Fanpage www.facebook.com/ifmcebuofficial/
Para sa mga gustong mamahimong letter sender , share your stories sa ifmcomfortroom@gmail.com
Daghang salamat. Sa sunod na pod nga sugilanon, idol !
