iFM Comfort Room,
Maayong hapon mga idol. Just call me Chinggay. Here is my story.
10 years nami sa akong husband nga si Chong, 6 years nami sa married life. Year 2011 mi gikasal sa dihang nabuntis ko sa amung first unta nga baby. Yes it was not planned but I know it was a gift. Puros mi naay trabaho sa akong bana but tungod sa kaexcited sa amung mga ginikanan, sila jud ang nag-unauna ug prepare para ini. Baby boy unta tu, excited pa ang akong bana nga makita na iyang liwat apan sa wala damha, nagbleeding ko ug nakwaan.
Mao to ang pinakasakit nga experience. Kanang gaexpect ang tanan samot na ang akong bana. Atu nga challenge sa amung relationship, somehow nakapalig-on sa amung relasyon, sa amung marriage. Mas loving ug caring na si husby. Tungod kay nahadlok man mi nga kung unsay mahitabo nako, nilaylo sa mi ana nga plan nga magkababy. We worked hard ug nag-ipon ug daghan para nga makalahi na from his family. Hangtod nga year 2013, timing kaayo nga nakabalhin nami ug balay diri sa syudad ug amu sad nga nadawat ang balita nga 3 weeks kapin pregnant na sad ko. Nothing compared ang kalipay nga amung nafeel and for sure, mao sad ang nafeel sa akong bana. Nagpacheck jud dayon ko ug nagmonitor sa akong tiyan. Akong angkunon ang akong sayop. Wala nako tumana ang usa sa mga tambag sa doctor nga dili lang usa mutrabaho. I know ambitious ra guro kaayo ko ug daghan pa ko nga gustong mahitabo para nako ug sa amung family. Pero as much as possible, mupahuway jud ko and usa pa sad, limited nalang akong mga buhaton kay kahibaw man amung company sa akong kahimtang. Sad to say, it happened the second time around, nakwaan ko. 3 months pa ang bata, patay na kini sa akong tiyan. Lagut kaayo akong bana ug akong gilamoy tanan niyang kasaba bisan ug gapugong siyas tanang bati nga pulong ug balikas. Nasakitan sad siya, I know ug ako, gadanghag lang jud. Nawala jud ang amung 2nd baby boy.
After atu nga experience, lisod amung naagian. Naundang ug trabaho akong bana maong napugos ko nga magpart time. Wala lang usa ang plano nga magkaanak. Apan, ang naabot nga problema namu mao ang pagka-palatagay na sa akong bana ug pagkahimarkada. Magsige nalang ug tagay sa gawas kada abot nako. Bisan tuod ug di maghubog pero dili ko ganahan nga mamahimo nalang na niya nga bisyu. Kusog man sad gud ni siya manigarilyo. Magsige na mi ug away. Gatoo ko nga bahin sa amung anak ang problema.
Karun nga tuig iFM Comfort Room, gitubag na jud sa Ginoo ang amung pag-ampo nga magkababy. Niundang ko sa akong trabaho ug akong gipugos nga manarbaho na akong bana. Bisan tuod ug contractual lang siya basta kay makaincome lang pod. 5 Months na jud ang akong tiyan ug regular ang pagmonitor sa akong tiyan. Inum ug pampakapit, gatas ug exercise, grabe jud nga agwanta. Ambot ug unsa ni pagsuway sa Ginoo, nga karun nga healthy baby girl na unta ang umaabot, karun pa man noun, nakigbuwag ang akong bana. Dili naman gud mulabay ang adlaw nga di mi mag-away. Maglaag nana siya nga walay panghiray, magtagay ug bisan buntis ko, balikason pako. Ako na gani ang nagpahimangno niya nga naa miy kaugmaon nga kinahanglang atimanon, ako pa ang nahimong bati. Wala na siya muuli sa amua sukad sa amung panagbuwag.
Wala pa ni nakaabot nga problema ngadto sa among mga ginikanan. Akong gipugngan akong kaugalingon nga maguol tungod ug alang sa akong gisabak. 7 Months na tawn ni. Gilingaw nako akong kaugalingon sa mga butang nga makalipay nako, invite ug friends sa balay ug magpakaon. Tapoktapok para dili nako makahunahuna niya. Friends gihapon mi sa facebook sa akong bana ug ako nga makit-an iyang mga laag ug kuyogkuyog sa barkada. Akong gipugngan akong kaugalingon nga musulong sa ilaha sa dihang akong nakit-an ang usa ka picture nga naa siyay giparamdaman nga mura bag pasabot kay lain nga girl. Murag iyang kacharchar. Naanad naman ta ko ani nga feeling pero sakit lang nga mahibaw-an kung nana man gani siyay laing gf karun. Wala pa nato tug-ani akong ginikanan sa paglaum nga maokay pa mi.
Sakto ba ni akong gibuhat iFM COmfort Room ? Mupakita nalang ba ko sa akong bana arun nga magkasturya mi ? Mura man gud ug wala siyay problema sa amung panagbuwag. Wala nako kahibaw unsa akong buhaton. Help me DJ Maikee Gol.
Sincerely,
Chinggay
Gusto ba kang makadungog sa mga tambag para sa atung letter sender ? Paminaw lang sa programang iFM Comfort Room kauban inyong DJ Maikee Gol (FB: Maikee Gol Ifmcebu) matag 1-3PM (Mondays-Saturdays). Please also visit our official Facebook Fanpage www.facebook.com/ifmcebuofficial/
Para sa mga gustong mamahimong letter sender , share your stories sa ifmcomfortroom@gmail.com
Daghang salamat. Sa sunod na pod nga sugilanon, idol !
