*iFM Dear Bestfriend,*
Hello sa inyong tanan and good afternoon. My name is Gelai, 23 years old and I am from Mandaue City.
Nagwork ko sa usa ka burger shop. Unya ang akong boyfriend kay tawgon lang natug Dinz. Kahibaw ko dear bestfriend nga importanti jud unta nga naa tay pagsalig sa atung uyab pero dili man jud malikayan nga magduda ta. Labi na kung dili na siya musugut ug agdahun sa inyung mga lakaw nga pirmi man unta ming manglakaw sauna, manlaag ba. Unya wala na siyay oras nako kay sige lang ug kuyog sa barkada. Maayo ra ba kung mga lalaki lang iyang kauban, naa sad baya babay. Kung pangutan-on lang gani ug kinsa iyang kauban, defensive kaayo makadala ug tubag. Ingnon pa ka ug “Nana sad ka anang pagkaselosa nimu nga walas lugar.”
Maayo ra ba untag uyab lang nga uyab dear bestfriend, live in na baya intawn mi ni Diz sulod sa 3 na katuig kapin. Sauna dear bestfriend, ngadto mi sa ilaha magpuyo ni Dinz. Pero ako siyang gihangyu nga maglahi nami. Niseparate mig puyo sa iyang family kay para nga duol na sad ko sa akong gitrabahuan. Sauna man gud, wala nay trabaho si Dinz, unya maikog pod ko nga magsalig mi sa iyang ginikanan total naa man sad koy trabaho.
Siya didto ra nas balay sauna, magsigeg computer, pasounds pero bahala nalang kay basta kamaong magtarung sa amung mga gamit, manlaba ug magluto. Buutan jud bitaw ni si Dinz sauna. Mag-away mi pero dili man grabi.
Nalipay ko kay last year, at last, nakahunahuna na jud siyag pang-apply kay nabulit na baya mi sa utang, kapila na gipaninglan. Ako ray musagubang, magpatabang ko sa akong ginikanan. Ug gusto sad ko nga makita nila ba nga tarung si Dinz, para pohon uyon na sila nga magpakasal nami.
Nagtrabaho si Dinz sa kusina, dishwasher siya. Udto nana siya mulakaw unya gabii na mauli. Mag-una man ko ug abot ana sa balay, mao sad nay pagpangandam nako para dungan mig panihapon.
Naa tuy one time nauli na siya nga pwirting hubuga, maong ako siyang gibadlong pagkaugma ana. Mao tu, mananghid nana siya nako kung naay inum kay iya lagi kunong mga kauban sa trabaho mangagda. Nausban pa man jud na dear bestfriend nga hubog na sad mauli unya ang sanina naggusbat lang ang agi. Laguta jud nako, ako na siyang giduaw sa trabahuan, nakurat pa man hinuun nga niadto ko.
Naa nakoy nahibaw-an nga naa siyay kauban sa trabaho nga babay nga tripping-tripingan kuno ni Dinz. Ang pung sad ni Dinz, kalingaw ra man jud kuno na ilaha. “Ayaw pagdudaduda dira gud. Kabati atug nawng,timing lang nga walay laing babay ngadto oy.” Hinuon, tinood sad nga dili sad maayo ang panagway atung bayhana maong di sad ko katoo dayon. Wala ra tu nako unta.
Gusto ko nga manlaag unta mi sa mall, pero kung ako siyang ingnan, muana ra man nuon ug, ” Naa pa tay kwarta ? Nga manuroy man ta? Nakabayad na diay tas utang?” Wala siya kahibaw dear bestfriend nga bahalag gatipid mi, maglahi baya jud unta kog kwarta, makasuroy lang mi kay panagsa na lang jud na siya mukuyog ug lakaw nako. Kung agdahon sad ug simba, dili daw siya kay gikapoy. Alangan man ug di siya kapuyon dear bestfriend, nga galaklak man lage sa niaging adlaw. Gamay nalang gani kaayo ang kwarta nga mauli dri nako kada sweldo niya pero wala gyud ko mureklamo.
Bag-o lang pod ko nakadiskubre nga naa siyay facebook. Taudtaud naman ko nga naay facebook pero walay open-open. Basta makalingi lang gani ko gamay sa computer, pinasira dayon kay ibalhin sa iyang giduwa sa computer. Friends nami,ako pa ang ni-add niya, pero ang akong gustu mahibaw-an, ang sulod sa iyang inbox.
Kung ako siyang pangutan-on kinsa iyang ka-chat, masuko kay gaduda na sad kuno ko. Gipakita man niya kausa dear bestfriend, pero duha ra man ka taw akong nakit-an nga iyang ka-chat, kauban ra niyas trabaho ug mga lalaki ra pod. Unya kung nangdelete ra diay siya ? Nganung magtagutagu pa man siyag chat?
Nasuko pa gyud siya nga nagsukitsukit ko sa iyang mga katrabaho kung unsay buhat niya ngadto sa trabahuan. Nganu sad kuno nga giadd nako sa facebook iyang mga kauban.
Masuko ba diay ka kung wala jud kay gibuhat nga di mao? Mao nay akong pangutana, unya ingnon na dayon ko nga selosa ug mangidudahon. Basi sa iyang mga lihok dear bestfriend, sayop ba nga magduda ko ? Timailhan na ba kining tanan nga naa kaha siyay lain o wala nalang gyud siyay gana sa amung panaglive in? Duda lang ba ni or giilad nako niya?
Palihug tambagi ko ninyo.
Yours truly,
Gelai
*** Gusto ba kang makadungog sa mga tambag para sa atung letter sender ? Paminaw lang sa programang iFM Dear Bestfriend kauban inyuhang DJ Rikki www.facebook.com/rikki.ifmcebu matag 1-3PM (Mondays-Saturdays). Please also visit our official Facebook Fanpage www.facebook.c om/ifmcebuofficial/
Para sa mga gustong mamahimong letter sender , share your stories here bit.ly/ifmdearbestfriend
Daghang salamat. Sa sunod na pod nga isturya besh !
Make this day count, and always remember, that you are WORTHY TO BE LOVED.
