*TEAM BUILDING – EPHRAHTAH FARM RESORT*
Badiangan, Iloilo
August 19, 2017
By: DJ Don Kamote
Sa handum nga mabag-o permi ang enthusiasmo kag dedikasyon padulong sa husto nga direksyon sang kadalag-an sa kada kumpetisyon, ang “team 95.1 iFM Iloilo” ang nagpatigayon sang mapuslanon nga “team building activity” nga may tema: “Making work values, work.”
Ang katuyu-an sang nahinambitan nga tema amo ang pagpahanumdum liwat kag paghangkat sa kada miyembro sang organisasyon nahanungod sa “Basic life values” ka ang pag-angut sini sa aton nga “Work values” kag ang liwat nga pagpatuman sini sa aton nga estasyon, sa diin kita ang naga trabaho.
Ini ang ginpatigayon nga mapaathag sang dinapit naton nga “resource person”, Rev. Msgr. Meliton B. Oso – “Social Action Director of the Archdiocese of Jaro.” Suno kay Msgr. Oso, ang mga napamatud-an na nga mga “Work Values” perpekto kag wala na sang diperensya. Kun ini kwestiyunon pa sang kada empleyado nga indi maka saho’ o indi kumportable sa sining mga “Work Values” ang batasan sang sining mga empleyado na ang may ‘diperensya! Pananglitan kabigon sang isa ka empleyado ining mga “Work Values” nga wala sing pulos . . . “Ikaw, ang wala sing pulos!” Dugang pa ni Msgr. Oso.
Natapos ang “lecture” nga may pagka marasmas sa amon kaugalingon, may pag hangpanay sa tagsa-tagsa, kag may ginkasugtan nga “Priority of Values” nga amon igapatuman sa istasyon bilang “Team 95.1 iFM.”
Ang ginkasugtan nga “Priority of Values” amo ang mga masunod:
1. Industriousness
2. Justice
3. Responsibility
4. Good use of time
5. Cooperation and Teamwork
Kaupod ang tagsa ka mga pamilya sang “Team 95.1 iFM” temporaryo namon anay nga gin kalimtan ang ‘Kalibutan sang Radyo’, nag sinadya anay sang makadali, nag “bonding” sa tagsa-tagsa kag temporaryo nga nag distansya sa kumpetisyon sang kahanginan.
