Ig-agaw gitigbas patay sa Glan Sarangani gumikan lang sa haligi sa pugon

51

GENERAL SANTOS CITY- Gumikan sa personal nga bangi ang gitudlong hinungdan sa pagpatay sa suspek nga ig-agaw nga si Randy Tara sa iyang kadugo nga si Remli Sabnal sa Barangay Gumasa, Glan, Sarangani Province ganihang tungang gabie.

Matod sa imbestigasyon sa Glan Municipal Police Station gikan ang mga nahisgutan sa usa ka birthday party sa ilang paryente sa maong lugar og dungan nga nag-inum.


Tungang gabie dihang nanguli na silang duha gihimo sa suspek na si Randy ang plano niyang pagpatay sa biktima pinaagi sa pagtigbas igo sa likod nga bahin sa ulo og hawak ni Remli.
Walay pagduha-duha nga giangkon sa suspek ang pagpatay tungod nasakit kini sa gisulti sa biktima nga kuhaon niya ang haligi sa pugon aron itukod niyag balay.

Nasayran nga adunay land conflict nga nahitabo sa pamilya sa duha human ang yutang kabilin ang buot angkunon matod pa sa suspek.
Sa karon napreso na ang suspek sa presinto sa kapolisan samtang pasakaan kinig kasong murder.

For more info’s and updates, like and share our official facebook account : www.facebook.com/ifm91.9Gensanofficial/

[image: gitigbas sa ig agaw.jpg]

Facebook Comments

From Advertisers