Davao City – Temporaryong gi-suspenso sa Local Government Unit (LGU) sa Island Garden City of Samal (IGaCoS) ang pagduaw sa ilang isla sa mga Chinese group tour visitors ug uban pang Asian nationals.
Gibutyag ni IGaCoS Mayor Al David Uy sa interbyu sa DXDC RMN Davao nga kini proactive measure sa ilang lokalidad kontra 2019 novel coronavirus (nCoV).
Gitin-aw ni Uy nga dili kini pag-discriminate partikular na sa mga Chinese uban ang paghangyo sa tanan nilang mga partners, tour operators ug agencies nga suportahan ang ilang gihimong lakang alang sa kaayuhan sa tanan.
Niadtong 2019, kapin 25,000 ka mga turista gikan sa nagkadaiyang nasud niduaw sa IGaCoS diin 30-40% niini gikan sa mainland China.
“Kanang kwarta, makita ra na, pero ang kinabuhi sa tawo, lisod i-compromise. What is important is the welfare of the people…(kana) ang amoang ginahuna-huna,” matud sa mayor.
RadyoMaN Aimee Guinita
