Davao City – Nagdeklara na og lockdown karong adlawa, Pebrero 6, 2020 ang Island Garden City of Samal (IGaCos) sa Davao del Norte sa pagpasulod og mga binuhing hayop ug pork products aron malikayan ang pagsulod sa African Swine Fever (ASF).
Sa interbyu sa DXDC RMN Davao kang IGaCoS Mayor Al David Uy, gibutyag niini nga ASF-free pa ang syudad rason nga gipahugtan karon ang monitoring pinaagi sa pag activate sa ASF Task Force sa lugar aron malikayang makasulod ang ASF sa Samal.
“Nag declare na gyud mi nga i-lockdown ang Samal sa entry of live pigs and other pork products from the main land. Nag execute na ta og EO (executive order) and gi-activate na nato ang Task Force ASF namo diri so intensified ang atoang monitoring,” saysay ni Uy.
Gibutyag ni Uy nga ugmang adlawa, Pebrero 7, 2020 magpahigayon og special session ang ilang city council aron ma-aprubahan ang pondo alang sa ASF lakip na ang alang sa 2019 novel Coronavirus (nCoV) acute respiratory disease (ARD).
RadyoMaN Kirby Manzon
