Davao City – Dili ikalimod sa syudad sa Davao nga daghang mga nagapalimos diha sa kadalanan ug gamiton pa ang mga bata diin kasagaran niini makita diha sa kadalanan.
Sumala ni Integrated Gender ang Development Division (IGDD) head Lorna Mandin, sagad iyang ginahimo kung dunay moduol kaniya gilayon niyang ipahibalo sa buhatan sa City Social Services and Development Office (CSSDO) aron i-rescue ug matabangan sa gobyerno.
Gipanawagan usab ni Mandin ang katawhan nga kung mahimo, dili mohatag kanila aron dili sila magsalig pinaagi sa pagpalimos sa kadalanan.
Naghangyo usab ang hepe sa IGDD ngadto sa mga ginikanan ug bata nga dili mohatag kung adunay mangayo ug limos diha sa mga dalan tungod kay magsalig na lamang sila sa ingon niini nga pamaagi sa pagpangayo.
Gipasabot pa ni Mandin nga gikinahanglang masayod ang tanan nga adunay balaud nga nagdili sa pagpalimus diha sa kadalanan nga mao ang Presidential Decree No. 1563 (Establishing an integrated system for the control and eradication of mendicancy, providing penalties, appropriating funds therefore and for other purposes).
RadyoMaN Bernard Pantallon
