Davao City – Dismayado ang usa ka magtutudlo samtang nagpatala sa Sasa PNP sa pagkawala sa iyang dakong salapi alas 3:00 sa kahaponon.
Sumala ni Rosalie Gutierres, magtutudlo sa tulonghaan sa Aliongto nga gibutang lang niini sa lamesa ang 9-mil ka pesos sulod sa sobre ug nibiya makadali.
Apan pagbalik sa biktima sa iyang opisina nawagtang na ang mao nga salapi ug gi-unsa na niini pagpangita wala gyod higkit-i ug wala sab siya’y mapasanginlan sa iyang mga kauban.
Nagkuha na og finger print ang mga imbestigador sa mga kaubanan sa biktima sa pamasin dunay mag-match sa makuha unya nga marka sa kamot sa suspek nga posible nabilin sa lamesa.
RadyoMaN Joel Viray
Facebook Comments
