MAPASIGARBUHON nga gipahibalo sa Bukidnon Provincial Agriculture Office, pinaagi ni Provincial Agriculturist Engr. Alson Quimba ang igong produksyon sa humay ug mais sa probinsya.
Sa interview sa RMN ngadto kang Engr. Quimba, gibutyag niini nga wala sukad nakasinati ug rice shortage ang Bukidnon in terms sa production versus population.
Matud ni Engr. Quimba nga sa karon adunay sobra sa 145% ang rice self sufficiency sa probinsya nga nagpasabot nga 100% sa population ang mapakaon ug adunay 45% pa nga sobra.
Gidugang pa sa provincial agriculturist nga nagkataas ang produksyon sa humay sa Bukidnon gikan sa 4.52% metric tons ngadto sa 4.72% metric tons per hectare nga average production.
Gibutyag pa niini nga gi-ila sa national government ang Bukidnon isip usa ka production area alang sa humay.
