General Santos City–Dako ang pagtuo ni Ruel Quico, igsuon sa biktimang si Jessie Quicio, 30 anyos, usa ka Factory Worker ug residenti sa Barangay Fatima, Gensan nga natripan lang sa wala pa mailhing supetsado ang iyang manghod kansa gikulata, gidunggab ug gisulod pa sa sako ayha gibilin daplin sa dalan sa may Accord Vill., Barangay Calumpang, Gensan kaadlawon niadtong nakalabayng adlaw.
Nasayran nga alas 5:00 pasado ang takna sa kabuntagon dihang naagian sa Patrol sa Barangay calumpang ang sako nga gisudlan sa biktima. Tungod naglihok lihok kini, ilang gisuta ug ilang gikakurat dihang nasayran nga tawo diay ang sulod niini mao nga ilang gidala sa Dr. Jorge Royeca Hospital.
Sumala ni Ruel nga wala sya ka bantay nga milakaw ang iyang manghod niadtong nakalabayng adlaw, apan siya sayod nga aduna kini adtuan nga birthday party sa iyang amigo.
Dugang pagbutyag ni Ruel nga basin ug adunay nakabingkil ang iyangmanghod sa party nga iyang giadtuan.
Apan sumala pa dili makatarunganon ang gihimo sa iyang manghod nga gi-ayo-ayo ug kulata, wala pa makontento gidunggab pa ug gisulod sa sako ayha gilabay.
Daw sa hayop lang matud pa ang pagtan-aw sa mga suspek ngadto sa iyang igsuon. Iyang panghinaot nga unta konsensya ang mga suspek o dili ba kaha maigo ug karma human sa gihimo sa iyang manghod. Nasayran nga anaa sa kritikal nga kondisyon ang biktima kansa anaa karon sa dr. Jorge Royeca Hospital.
