TACLOBAN CITY – Humamubo an ihap han krimen ha Tacloban City, ini in sumala han Tacloban City Police Office ha gindumara nga Joint City Peace and Order Council.
Sumala kan Tacloban City PNP Director PSSupt. Michael David, waray nahinabo nga significant crimes o insidente, waray organized crime groups ngan private armed groups ha syudad nga ginvalidate han PNP Regional Intelligence Group.
Basi ha situation report, mayada nahipatik nga 1,895 nga krimen dida han tuig 2018, samtang, dida han 2017 mayada 2,265 nga nahipatik nga krimen.370 incidents an ginhamubuan hini.
Iginparayaw naman liwat han TCPO an 99.66 percent crime solution efficiency han mga kapulisan.
Sumala han datos, mayada 454 incidents an index crime o crime against person and property dida han 2018, 91 incidents an ginhamubo hini dida han 2017. Mayada 169 incidents an crime against person ngan 285 incidents naman an crime against property dida han 2018
