Pagadian City – Nisaka na sa dose ka Person Under Investigation (PUI) Covid suspect patient ang nabugtu-an sa kinabuhi dinhi sa probinsya sa Zamboanga del Sur.
Namatay niadtong sabado ang 19-anyos nga babaye nga PUI nga residente sa Poblacion, Margosatubig niining probinsya.
Nagdiagnos ang maong pasyente sa balatian nga Acute respiratory failure secondary to cap-high risk, Congenital heart disease associated with down syndrome,
Ang maong Covid-19 suspect nakuhaan og Swab test niadtong April 30 sa wala pa namatay ug padayong gipaabot ang resulta niini.
Sa kinatibuk-an mokabat sa 703 ka mga Persons Under Monitoring (PUMs) ang natala sa ZamboSur Task Force Covid samtang 33 ang PUIs ug 22 niining maong ihap ang gi-admit sa isolation facility.
Sa 109 ka swab nga gi-test , 75 ang negatibo, lima ang positibo ug duha ang nakagawas sa isolation facility.
Ang probinsya padayon usab nga naghulat sa resulta 34 ka swab nga gipadala ngadto sa _Research Institute for Tropical Medicine_ kun (_RITM_).
