General Santos City–Miubos ang ihap sa mga malnourish sa syudad karong tuiga kung itande sa nakalabayng tuig.
Gibutyag ni Dr. Washington Loreno, ang labaw sa City Health Office ning dakbayan nga sa kasamtangan anaa lang sa 3. 4 percent ang ihap sa malnourish nga mga bata sa Gensan, mas ubos matud pa kini kung itandi sa milabay’ng tuig.
Kasagarang kabataan nga nakasinati ug malnutrition nag puyo sa mga hilit nga Barangay .
Luyo paman sa pag ubos sa ihap sa mga Malnourish ang City Health Office padayon sa pagpahigayon ug mga programa nga makatabang sa panglawas sa mga kabataan.
Usa sa mga programa nga ilang ginahimo ang padayong deworming ngadto sa mga kabarangayan sa syudad hilabi na sa mga lagyong Barangay.
Karong bulan sa Hulyo, saulugon ang Nutrition Month, dungan niini gi-awhag ni Dr. Loreno ang katawhan hilabi na ang mga ginikanan nga batasanon ang pagpakaon ug gulay sa ilang mga anak aron sa ingon makabaton ug sustansya sa lawas ang ilang mga kabataan. Pinaagi niini mas makunhuran ang ihap sa mga kabataang malnourish sa dakbayan.
