Davao City – Pinaagi sa community support program sa Armed Forces of the Philippines kun AFP diin mas daghang sundalo ang gipang deploy sa mga kabukiran mas napugngan nila ang mga gihimong pagpang-recruit sa mga New People’s Army sa komunidad.
Gibutyag ni 10TH Infantry Division Philippine Army acting spokesperson Robert Escalona mas nagkaanam og kaubos ang ihap sa mga sakop sa NPA karong panahona.
Gawas sa intensified nga operasyon sa militar, nakita usab ang massive nga pagtahan sa mga sakop sa komunistang NPA.
Segun ni Escalona sukad niadtong Enero 1-17 mokabat sa 35 ka mga kanhi rebelde ang ni-surrender ug ni-avail na sa Comprehensive Local Integration Program (CLIP) sa gobyerno diin nidawat ang mga surrenderees og livelihood ug financial assistance.
RadyoMaN Aimee Guinita
