General Santos City–mukabat nalang sa 19 ang ihap sa mga miyembro sa rebeldeng New People’s Army (NPA) nga sakop sa Guerilla Front 71 ang nagalihukan sa area sa 73rd Infantry Battalion.
Sumala kang Capt. Rudyni Bugador, tipamaba sa 73rd IB nga sagad sa mga miyembro sa Guerilla Front 71 ang nagkatag-katag na hilabi na nga padayon ang ginahimong operasyon sa militar.
Gani panghinaot niini nga ang mga nahibiling miyembro sa kalihukan ang mubalik na sa sabakan sa gobyerno.
giangkon man usab ni Capt. Bugador nga padayon ang ginahimong pagpang-recuit sa rebeldeng grupo ngadto sa mga sibilyan sa lugar.
Basi sa report, 90% matud pa sa mga miyembro sa NPA ang mga lumad, tungod niini aduna silay ginahimo nga pag-edukar sa mga nahisgutan pinaagi sa pagpaklarong aduna silay kapilian aron mulambo ang panginabuhian.
Busa nanawagan kini ngadto sa mga nagpabilin sa kalihukan nga tabangan ang gobyerno sa pagpalambo sa nasud ug anaa man ang mga sundalo nga andam mutabang sa ilahang panginahanglan sukwahi sa ilahang tinuohan.(Dave Silagan)
(Photo From Web)
