General Santos City–Gamay nalang matud pa ang mga myembro sa teroristang NPA sa kabukiran, kini ang nahimong pagbutyag ni Lieutenant Colonel Ronald Valdez ang Battalion Commander sa 27rd Infantry Battalion Philippine Army.
Sumala sa opisyal nga basi sa ilahang impormasyon, dili na mulampas sa 15 ang hardcore nga mga myembro sa NPA nga anaa sa kabukiran ilawom sa ilang AOR ug ang kadaghanan matud pa niini mga babae ug mga bata kini tungod sa hugot nga military operation sa kabukiran hinungdan nga ang ubang myembro niini ang mibalik na sa sabakan sa goberno.
Gani sa ilahang nakuha nga mga impormasyon nga ginapunterya karon sa mga teroristang NPA ang mga tao nga adunay kaso sa balaod diin iolang ginakumbinsing mosalmot sa ilang kalihukan aron matud pa sila maprotektahan.
Sa karon nagapaningkamot ang kasundaluhan uban ang PNP ingon man ang goberno sa nasud aron nga ma-awhag pa ang mga nabiling myembro sa walhong pundok nga munaog na sa kabukiran ug mubalik sa sabakan sa goberno.
dugang pa ni Lt. Col. Valdez nga padayon sila naga pasaka ug kaundalohan sa kabukiran dili para makig-gubat sa mga NPA sanglit hangyuon sila nga mu tahan sa ilahang mga armas ug undangon na ang pag sukol sa goberno.
Anaa na matud pa silay mga kopya sa pangalan sa mga myembro sa NPA ug mga humil nga ilahang tuktukon ang mga balay aron nga hangyuonnga mosurender bitbit ang ilang mga armas.(Dave Silagan)
