Ihap sa PUI ug PUM sa probinsya inanay nga niubos

26

Pagadian City – Inanay na usab nga nikunhod ang ihap sa mga Persons Under Investigation kun (PUIs) ug Persons under Monitoring (PUMs) sa tibook probinsya sa Zamboanga del Sur.


Kini gibase gihapon sa ulahing datos nga gipagawas sa Zamboanga del Sur Task Force Covid-19 nga aprobado usab sa Integrated Provincial Health Office (IPHO) diin anaa sa 42 ka PUIs , dose ang kasamtangan nga gi-obserbahan sa isolation room area .

Nikunhod usab ngado sa 2, 002 ang gikonsedira nga PUMs hinoon nakakompleto na sa 14 diyas nga home quarantine ang 146 ka PUMs kagahapon.

Usa nalang ang kompirmado sa Corona Virus Disease 2019 (Covid-19) human nakagawas sa isolation area ang unang duha ka nagpositibo samtang padayon nga gipaabot ang resulta sa mga specimen swab sa pito PUI nga gipadala sa laboratoryo Research Institute for Tropical Medicine (RITM).

Hinoon si Patient # 13 ang 7-anyos nga nagpositibo sa nahisgutan nga Virus anaa na karon sa stable nga kondisyon.

Facebook Comments