*General Santos City— Misaka na sa 25 ang ihap sa mga nabuthan sa pabuto sa pagsugat sa pasko ug bag-ong tuig sa rehiyon 12.*
*Sumala kang Boom Kali, Program Manager sa Department Of Health Region 12 nga ang mga biktima ang gikan sa 7 anyos ngadto na 46 anyos.*
*Subay sa datus gikan Disyembre 21 ngadto na Enero 3, sagad sa mga biktima ang mga lalaki.*
*Walo sa maong ihap ang gikan sa probinsya sa North Cotabato, duha sa Sarangani, dose sa South Cotabato, usa sa Sultan Kudarat ug duha ang gikan sa dakbayan sa Gensan. Samtang walay natala nga biktima gikan sa syudad sa cotabato.*
*Dugang pamahayag Kali nga ang 25 ang nabikitma gumikan duha ang tungod sa sparkler, tulo ang tungod sa kwitis tulo ang gumikan sa five star, usa ang gumikan sa triangulo, duha ang sa piccolo, duha sa fountain, duha sa camara ug unom ang gumikan sa boga ug uban pa.*
*Sa karon, wala pay natala nga bktima sa saag nga bala, apan padayon ang ilang ginahimo nga pagmonitor.*
