President Roxas, Capiz – Magapangatubang sang kaso nga pagpangawat (thief) ang duha ka hubog matapos ginaalegar nga nagpangawat sang bulak nga nagasiga sa plaza sang President Roxas. Ginkilala ang mag-abyan nga suspek nga amo sanday Ronel Felomeno, 22-anyos sang Brgy. Viscaya, President Roxas kag Jerry Duran, 18-anyos sang Brgy. Jolongajog, Pontevedra, Capiz.
Suno sa impormasyon, magkaupod nga nag-inum ang duha sang nagligad nga gab-i, apang sang magapauli na ang mga ini, ila nadiparahan ang matahum nga mga nagasiga nga bulak nga ginatawag ‘thousand roses’ sa plaza rasun nga ila ini nga ginkuha. Bangud sini gindakop ang mga ini sang mga kapulisan kag gindala sa President Roxas police Station. Ginpahayag ang mga suspek, ihatag kun tani nila ang mga nagasiga nga bulak sa ila nobya sa banwa sang Maayon.
Nahibaluan nga ang amo nga mga bulak ginpahamtang sang municipal government sang President Roxas agud nga maghatag sang duag sa plaza bilang kabahin sang pagsaulog sang paskwa.
(c) Mayor Receliste Escolin
