Gisaulog sa Probinsya sa Bukidnon ang ika-106 nga kasumaran sa pagkamugna niini isip probinysa karong adlawa, Septembre 1 sa Kaamulan Folk Arts Theater, Kaamulan Capitol Compound, dakbayan sa Malaybalay, Bukidnon.
Kini nga adlaw usab gideklara sa Malacaňang nga Special Non-Working holiday sa probinsya pinaagi sa Proclamation No. 1000 pinirmahan ni Executive Secretary Salvador C. Medialdea nga naghatag sa higayon sa mga taga-Bukidnon nga makasaulog ug makapartisipar sa maong okasyon.
Gumikan sa pandemya nga COVID-19, limitado lamang ang mga motambong sa maong kasaulugan.
Sa unang hugna sa maong programa, ipahigayon ang Ecumenical Prayer sa atong mga Muslim, Lumad ug Kristyano, pagkanta sa National Anthem dungan sa raising of National Flag ug pagkanta sa Provincial Hymn dungan usab sa pagpasaka sa Provincial Flag ug Municipal/City Flags nga pagapangunahan usab sa mga mayores sa baynte (20) ka lungsod ug duha ka syudad.
Human niini, musunod ang hamubong programa lakip na ang usa ka video presentation kabahin sa ang Bukidnon, kaniadto ug karon, mohatag dayon ug mensahi si Gov. Zubiri, ug musunod ang Handog Titulo sa pagpanguna sa DENR, ug panapos nga mensahi ni Vice-Gov. Quiňo.
Ang ikaduhang hugna sa programa mao ang pagpahigayon sa Santos nga Mesa ug ang ikatulong hugna mao ang pagpahigayon sa bloodletting nga pagapangunahan sa Provincial Health Office ug BPMC. Gidasig usab ang tanang katawhan sa pagpartisipar sa bloodletting gumikan kay dako kaayo kini ug ikatabang sa katawhan ilabi na niadtong nanginahanglan sa dugo.
Ang mga kawani usab sa PDRRMO ang magsiguro nga masunod ang mga health protocol sa Inter-Agency Task Force sama sa physical distancing, pagsuot ug face mask ug face shield ug pagbutang ug matag karon ug unya sa mga alcohol o sanitizer. Gidasig usab ang tanan nga motambong sa pagsuot sa ilang ethnic attire.
Anaa lamang sa 105 ka tawo ang gi-imbitahan sa mao nga okasyon.
Nangayo usab ug dispensa si Gov. Zubiri sa tanang mga opisyal ug katawhan sa Bukidnon nga dili mamahimong bongga ang maong selebrasyon sa ika-106 nga pagkamugna sa atong probinsya aron malikay ang mga motambong niini sa makapatay nga virus nga COVID-19.
Tema sa kasaulugan karong tuiga mao ang “Resiliency Amidst the New Normal Challenges”.
