Ika-121 na selebrasyon sa Rizal Day tagpahigayon sa Surigao City
Malampuson na tagpahigayon an isa ka programa kaganina sa ika-121 na selebrasyon sa Rizal Day sa Surigao City.
Una na tagpahigayon an programa atubangan sa may City Hall na kon diin mipadayag nan mga mensahe sila ni Mayor Ernesto Matugas ug Vice Gov. Arturo Carlos Egay Jr. Ila tagpaabot an ka-importante sa okasyon lakip isab an pagkilaya sa nahimong sakripisyo ni Dr. Jose Rizal. Tagsundan pa an amo na programa sa flower offering ug wreath laying didto sa Luneta Park pinaagi sa lain-laing mga national agencies, mga lokal na opisyales sa siyudad ug probinsiya lakip sa mga dept. heads, chief of offices, representante sa mga non-gov’t. organizations, socio-civic groups ug iban pa.
Isa sa nahimong highlight an eulogy gikan sa Free and Accepted Masons of the Phils. sa Mt. Diwata Lodge 236. An laing aktibidad pa na taghimo kaganina didto sa Surigao City Gymnasium an paghatag nan pasidungog ug pahalipay ngadto sa 58 kabuok mga empleyado sa siyudad na pipila ka tuig na nag-serbisyo.
