Sarangani, Davao Occidental- Gipangandaman na sa lokal nga panggamhanan sa Sarangani Davao Occidental ang ika- 38 ka tuig nga anibersaryo sa munisipyo kon diin magsugod ugmang adlawa Mayo 30 hangtod na sa Hunyo 11, 2018.
Ang kasaulugan ang adunay temang ” Appreciating Diversity Through Community Empowerment: Engaging the hearts of the Saranganians”.
Sumala pa kang Sarangani Mayor Virgie Cawa, nga pagasugdan ang maong aktibidad pinaagi sa usa ka pagahimoong misa, kon diin pagpasalamat sa mga maayong butang nga nahitabo sa Sarangani.
Aduna usab giandam nga mga aktibidad ang munisipyo alang sa pipila ka adlaw nga selebrasyon.
Ang Sarangani Davao Occidental ang gilangkuban sa duha ka mga isla, sama sa Balut og Sarangani island nga gilangkuban usab sa 13 ka mga barangay.
Apil usab nga gipangandaman ang seguridad sa mga bisita og mga programa sa pakig-alayon sa mga ahensya sa isla sama sa MDRRMC, Philippine coastguard, militar og kapulisan.
Photo from web
