Pagadian City – Gihandom karong adlawa ika-39 ang kasumaran sa pagkahimugso sa nag-unang sibyahan sa syudad sa Pagadian ug probinsya sa Zamboanga del Sur ang Radio Mindanao Network nga mas naila nga RMN DXPR Pagadian.
Sumala ni Station Manager Melchor Coronel ang kasaulugan karung tuiga nagdala sa tema nga ” Mapadayunon sa tiunay nga pagpangalagad sa katawhan, pinaagi sa lamdag sa kahitas-an magsilbing ehemplo sa katilingban’.
Kun mahinumduman nagpibiling numero uno ang DXPR sa ulahing survey nga gipagawas sa Kantar Media diin nakakuha og 89.88 Audience share busa nagpasalamat ang kadumalan sa walay puas nga pagsalig ug suporta sa katawhang tigpaminaw.
Gumikan niini mas nahimo pang dikit sa masa DXPR gumikan sa daghanang Community Social Service sama sa Medical Mission, Feeding Program , Gift Giving ug uban pang matang sa serbisyo nga gitunol ngadto sa publiko.
Isip pasalamat sa naani nga kalampuson sa inyong kinaham nga estasyon sa radio, magpahigayon sa hini-usang pag-ampo alang 5:00 karong hapon pinaagi sa santos nga misa nga live mabati usab sa radyo ug masaksihan sa official Facebook Page ang RMN-DXPR Pagadian 603 nga dumalahan ni Rev. Fr. Pat Dalumpines ang koraparoko sa Saint Joseph the Worker Parish.
Angay masayran nga ang DXPR nahimugos niadtong enero 10, 1980 ug nahimong sumbunganan sa katawhan sulod na sa halos upat ka dekada.
