Gisaway sa 403rd Infantry Brigade, Philippine Army ang ika-50 ka tuig na nga annibersaryo sa grupong New Peoples Army kon NPA.
Sa interview sa RMN Malaybalay ngadto kang Col. Edgardo de Leon, ang commander sa 403rd Brigade, gibutyag niini nga 50 ka tuig nang kagubot ang gihimo sa mga NPA.
Gitawag matud pa nila kining “walang kwentang singkwenta” ug kagubot lamang matud pa ang gihimo niini ilabina ngadto sa mga sibilyan.
Gisiguro usab niya nga kanunay nga andam ang kasundaluhan ug kapulisan batok sa unsa mang kagubot nga himoon sa mao nga grupo.
Kamatouran matud pa niini ang gihimong pagdepensa kapulisan sa Victoria Municipal Police Station sa Samar human kini gisulong sa mga NPA nga ang nahitabo dehado pa ug namatyan ang walhong pundok.
Samtang sa interview sa RMN ngadto kang Dereka Magtanggol, ang spokesperson sa NPA Bukidnon gibutyag niya nga ilang gilauman nga mas mulambo pa ug mulig-on ang NPA sa sunod nga mga panahon.
Sigun niya nga aduna pa matud pay dinagko ug dinaghan nga mga atake nga ilang pagahimoon.
Una nang gikondena sa Col. De Leon ang pagsunog sa mga NPA sa ekipo nga iya sa Naghiusang Mag uuma Agrarian Reform Cooperative (NAMARCO) nga usa ka organisasyon sa mga mag-uuma didto sa lungsod sa Don Carlos kaniadtong Marso 15 ning tuiga.
