Saulugon karong adlawa ang ika-65 na anibersaryo sa Radio Mindanao Network o RMN.
Kahinumduman nga Agosto 28, 1952 unang nagsugod kini sa Cagayan de Oro City.
Ang RMN adunay 65 istasyon nga madunggan sa Luzon, Visayas ug Mindanao.
Isip kabahin sa ika-65 anibersaryo sa RMN ug isip usa pinakadako ug iladong istasyon sa nasud, maghimo ang RMN DXMB Malaybalay karong adlawa ug medical mission nga pagahimoon sa Casisang Covered Court, Brgy. Casisang Malaybalay City, Bukidnon.
Walo ka mga serbisyo ang itanyag niini nga naglangkob sa libreng tambal; libreng medical check-up; libreng ibot sa ngipon; libreng tuli, libreng massage; free haircut, bloodletting ug Philippine Statistics Authority (PSA) services.
Kaabag sa RMN Malaybalay ug IFM Valencia sa medical mission ang Tatak RMN Fans’ Club, Inc.; Barangay Casisang, Philippine Red Cross – Bukidnon Chapter; Philippine Statistics Authority o PSA Region 10; Tatak Tisoy Marketing; 40rd Peacemaker Brigade, ug 4th Infantry Division.
Ang mao nga medical mission isip pamatuod sa adbokasiya sa RMN sa katawhang Pilipino – ang serbisyo publiko.
