Ipinagdiwang kahapon sa Dagupan City ang Liberation Day kasabay ng ika-81 anibersaryo ng paglapag ni Heneral Douglas MacArthur, sa pamamagitan ng isang programang ginanap sa West Central I Elementary School.
Ang selebrasyon ay pag-alala sa makasaysayang sandali na nagbukas ng daan tungo sa kalayaan ng Dagupan mula sa pananakop noong Ikalawang Digmaang Pandaigdig.
Binigyang-pugay sa seremonya ang mga sundalong Pilipino at Alyado, pati na rin ang mga bayani na nag-alay ng kanilang buhay para sa kalayaan ng bansa.
Pinuri rin ang katatagan ng mga Dagupeño, na sa kabila ng hirap ng digmaan ay muling bumangon at nagkaisa bilang isang matatag na komunidad.
Sa paggunita, muling pinagtibay ng lungsod ang kahalagahan ng kasaysayan, kalayaan, at kapayapaan, mga halagang patuloy na pinahahalagahan at ipinaglalaban hanggang ngayon. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
