Pormal nang naipadala sa tanggapan ni House Speaker Faustino “Bojie” Dy III ang ika-apat na impeachment complaint laban kay Vice President Sara Duterte.
Ang reklamo ay inihain kagabi sa tanggapan ni Secretary General Cheloy Garafil ni Atty. Nathaniel G. Cabrera.
Inendorso naman ito nina House Committee on Human Rights Chairman Manila Rep. Bienvenido “Benny” Abante Jr. at House Deputy Speaker La Union Rep. Paolo Ortega V.
Bininanggit ni Garafil na ang papel ng House Secretary General sa proseso ng impeachment ay purely ministerial lamang at limitado sa pagtanggap ng impeachment complaint at pag-transmit ng mga pleadings at mga dokumento sa Kamara.
Tiniyak ni Garafil na anumang aksyon kaugnay sa impeachment ay istriktong nakabatay sa Konstitusyon at patakaran ng House of Representatives.
