Roxas City, Capiz – Ginatutokan subong sang pamunoan sang Capiz Rehabilitation Center ang ikaayong lawas sang mga inmates kag mga provincial guards sa nasambitan nga pasilidad.
Ginkumpirmar ni CRC Warden Arjuna Yngcong nga nagpatigayon na sila sang pagpanglimpyo sa palibot kag sa sulod sang CRC subongman nagpatigayon sang misting agud nga mapatay ang mga lamok kag kiti-kiti matapos nga duha ka mga inmates ang nabiktima sang dengue sang nakaligad.
Samtang sa pihak nga bahin, gina-isolate naman sa subong ang napulo ka mga inmates nga na-diagnose bangud sa balatian nga tuberculosis.
Suno kay Yngcong, ang mga ini ang ginapaidalom na sa medikasyon kag wala ginapaimpon sa iban nga mga inmates.
Nahibaluan nga sang nagpadulong sa CRC kag nagpatigayon sang examination ang TB Pavillion, kapin sa 99 ka mga inmates ang may mga sintomas sang tuberculosis sa diin napulo sa mga ini ang nagasuprer sang sever TB.
May kaangut sini, ginpanugyan ni Yngcong sa mga inmates nga kun may mga problema magdangop lamang sa pamunoan sang Capiz Rehabilitation Center.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
