Makabaton sa gihapon sang ikaduha nga tranche sang social amelioration program (SAP) ang mga benepisyaryo sang Barangay Felisa.
Ini ang ginpasiguro ni Department of Social Services and Development – Bacolod Head Pacita Tero sa tunga sang pagkahangawa sang mga residente sang nasambit nga barangay bangud sa ginapangatubang nga reklamo sa gin-alegar anomaliya sa una nga pagpanghatag sang ayuda.
Ginpahayag ni Tero nga na-delay ang paghatag sang ayuda bangud sa technical problem kag ulihi na ini nga naubrahan sang ahensya.
Iya man nga ginklaro nga wala sang labot ang ginapangatubang nga reklamo sang pila ka barangay officials sa pagkadelatar sang ikaduha nga tranche sang SAP.
Dugang pa ni Tero nga naka-schedule na sa Sabado, Hulyo 25 ang pagpanghatag sang cash aid sa mga residente sang Barangay Felisa. (Bacolod PIO photo/File)
