Davao City – Mo-arangkada na ang ikatulong hugna sa rasyon sa Brgy. Matina Aplaya ning syudad sa Davao.
Sumala ni Matina Aplaya Barangay Captain Ernesto Cirunay, nahatag na ang 2nd batch sa mga grocery items ug bugas sa mga residente ug nangandam na usab alang sa ikatulong pagtunol sa ayuda sa tanang lumulupyo sa maong Barangay.
Subay sa data sa Brgy. Matina Aplaya, halos tanan natunolan na ug pipila na lamang ang wala pa kinsa mipadangat sa ilang reklamo sa Barangay kabahin sa maong ayuda gikan sa lokal nga panggamhanan sa dakbayan.
Alayon niini gi-awhag ni Kapitan Cirunay ang mga residente nga modangop sa Barangay Hall sa Matina Aplaya alang sa mga reklamo aron mahatagan og solusyon.
RadyoMaN Paul Canono
Facebook Comments
