General Santos City—sikop sa mga personahe sa Philippine Drug Enforcement Agency (PDEA) Regional Office-12 atol sa ilang gihimong Search Warrant operation 2:00 sa hapon didto sa Guyabano Street, Purok Bagong Sikat, Barangay GPS, Koronadal City ang usa ka iladong pusher sa nasangpit nga lugar.
Suspek giilang si Boumediene Mangelen y Publico Alias Bosing ug Alias Datu, 46, residenti sa nasangpit nga lugar.
Nakompiska gikan sa panimalay niini ang (9) ka open small transparent plastic sachets nga dunay pay residue sa gituohang shabu, (2) ka improvised glass tooters, improvised blue lighter, (2) ka improvised lighter nga dunay improvised aluminum needle, (2) ka aluminum foil strips nga dunay residue sa shabu, improvised plastic tooter ug (1) ka roll sa aluminum foil.
Kasong kalapasan sa Section 12 (Possession of Drug Paraphernalia) sa Article II sa R.A 9165 (Comprehensive Dangerous Drugs Act of 2002) ang ipasang-at batok sa suspek nga balhog na karon sa silda sa PDEA-12.
