Patay ang usa ka lalaki human kini giluba-luba sulod mismo sa Andrea’s Pensionne partikular sa may Banicapt, Galas, sakop ning dakbayan sa Dipolog naila ang pangalan niini nga si Ronnie Mirasol alyas Boboy nga taga brgy Sta. Filomena.
Sa pakighinabi ning inyong tigbalita sa kadumalahan sa maong pension house pinaagi sa ilang ginsakpan nga si alyas Diday matod pa misulod ang maong biktima uban ang suspetsado bandang 12:01PM kapin kun kulang kagahapong adlawa uban sa wala mailang lalaki nga naka helmet sakay sa Honda beat kolor Pink adunay kombinisyon nga kolor itom.
Dugang pa niya mikanaog ang biktima aron mobayad sa kwarto ug didto sila gipasulod sa room 10, samtang naglimpyo matod pa si alyas Diday sa room 5 nakadungog siya ug tingog nga nisinggit ug tabang apan iya lamang gibaliwala bandang 12:27PM migawas ang kauban sa biktima nga kung diin gisuot na niini ang jacket kolor pula sa biktima ug naka helmet, gani gipangutana pa kini kun asa moadto gitubag siya sa suspetsado nga adunay paliton.
Pipila ka gutlo ang milabay wala pa gihapon naka balik ang suspetsado hinungdan nga nagduda na ang taga Andrea’s Pensionne ug ilang gituktok ang kwarto sa biktima nga si Ronnie kun okay lang ba, apan matod pa wala na mitubag gawas lamang sa ilang nadungog sa kakusog sa tingog sa TV ug agas sa Gripo.
Sa ilang pag abli sa Room 10 misugat sa ilang panan-aw ang nag kulob nga wala na’y kinabuhi ug walay mga sapot samtang naligo sa kaugalingong dugo.
Nakaangkon kini ug daghanang samad nilubaan sa nagkadaiyang parte sa lawas gituohan pa nga misukol base na usab sa dugo nga nagkatag ug namilit sa dingding.
Ang pagsibat sa suspetsado nakuhaan kini ug kopya sa CCTV dala ang motorsiklo nga ilang gisakyan apan ang pagsulod nila wala nakuha sa CCTV tungod kay walay kuryente niadtong higayona.
Sa pagkakaron padayon ang pag-imbistiga sa kapulisan sa dakbayan sa Dipolog kun unsay nagpaluyong motibo sa pag luba patay kang Ronnie Mirasol ila usab gipaningkamutan nga maila gilayon ang suspetsado para mapanubag sa salaod nga nahimo.
