Aminado si Justice Secretary Menardo Guevarra na posibleng nakalabas na ng bansa ang ilan sa mga presong nakalaya ng maaga dahil sa Good Conduct Time Allowance Law.
Ayon kay Guevarra , hindi rin niya inaalis ang posibilidad na ang ilan sa mga nakalayang inmates ay lumipat na ng tirahan o di kaya ay namatay na.
Sa kabila nito, umaasa ang kalihim na tatalima pa rin ang mga nakalayang preso sa labing-limang araw na deadline ng pagsuko na ibinigay ng Pangulong Duterte.
Sinabi pa ni Guevarra na otomatikong ikukunsiderang “fugitives of justice” ang mga presong mabibigong sumuko.
Facebook Comments
