Ilang barangay sa Parañaque, Las Piñas at Pasay – sampung oras na mawawalang ng tubig bukas

Manila, Philippines – Sampung oras na mawawalan ng suplay ng tubig ang ilang barangay sa lungsod ng Las Piñas, Parañaque at Pasay bukas.

Magsasagawa kasi ng maintenance activity ang Maynilad sa loob ng Pasay Pumping Station.

Magsisimula ang water interruption ng alas 9:00 ng gabi bukas hanggang alas 7:00 ng umaga ng Huwebes.

Kabilang sa maaapektuhan ang mga barangay ng: CAA, D. Fajardo, E. Aldana, Ilaya, Manuyo Uno, Manuyo Dos, San Dionisio, San Isidro, Sto. Niño at Tambo sa Las Piñas.

Habang sa Parañaque, apektado ang Baclaran, BF Homes, Don Galo, La Huerta at Moonwalk.

At sa Pasay, barangay 10-13, 24-32, 38-40, 76-79, 145-179, 181 at 183-200.