Ilang kongresista ngayon ang naghain ng kandidatura para tumakbo sa ibang mga posisyon sa 2022 elections.
Isa na rito si Bataan Rep. Jose Enrique Garcia III na naghain na ng Certificate of Candidacy (COC) para kumandidato sa pagka-gobernador ng Bataan.
Si Maguindanao Rep. Esmael “Toto” Mangudadatu, tatakbo naman sa pagka-gobernador ng Maguindanao.
Pagka-gobernador naman ng Misamis Occidental ang tatakbuhan ni Deputy Speaker Henry Oaminal.
Habang sasabak naman para sa re-election sina Bataan Rep. Geraldine Roman, Negros Occidental Rep. Jose Francisco “Kiko” Benitez at Magsasaka Partylist Rep. Argel Cabatbat na naghain na rin ng kanilang mga kandidatura.
Facebook Comments
