𝗜𝗟𝗔𝗡𝗚 𝗠𝗚𝗔 𝗕𝗔𝗬𝗔𝗡 𝗔𝗧 𝗟𝗨𝗡𝗚𝗦𝗢𝗗 𝗦𝗔 𝗥𝗘𝗛𝗜𝗬𝗢𝗡 𝗨𝗡𝗢, 𝗜𝗡𝗜𝗟𝗔𝗚𝗔𝗬 𝗡𝗔 𝗦𝗔 𝗣𝗜𝗡𝗞 𝗕𝗨𝗙𝗙𝗘𝗥 𝗭𝗢𝗡𝗜𝗡𝗚 𝗦𝗧𝗔𝗧𝗨𝗦 𝗡𝗚 𝗔𝗦𝗙

Inilabas na ng National ASF Prevention and Control Program ang mga bayan at lungsod sa rehiyon uno na ibinaba sa mas mababang klasipikasyon ng ASF.

Base sa pinakahuling inilabas ng ahensya nitong ika-7 ng Nobyembre kabuuang tatlumpo’t anim na bayan at lungsod ang inilagay sa Pink Buffer Zoning Status ng ASF na dati ay nasa Red Zoning Status o kinabibilangan ng mga lugar na may kumpirmadong kaso ng African Swine Fever.

Paliwanag ng ahensya ang pink zone status ay nagsisilbing buffer, kung saan walang naitalang ASF ngunit katabi ng isang infected zone at mga lugar na hindi nakapagtala ng ASF sa loob at hindi bababa sa 90-araw.

Samantala, base pa rin sa anunsyo ng ahensya, mayroong animnapu’t dalawa (62) na mga lugar sa rehiyon ang itinaas sa yellow zoning status o surveillance zone kinabibilangan ng mga lugar na high-risk areas sa ASF dahil sa dami na mga baboy maging ng mga produkto.

Ang bilang na ito ay dating nasa Pink Buffer zoning status monitoring ng ahensya. |𝙞𝙛𝙢𝙣𝙚𝙬𝙨