𝗦𝗘𝗟𝗘𝗕𝗥𝗔𝗦𝗬𝗢𝗡 𝗡𝗚 𝗡𝗔𝗧𝗜𝗢𝗡𝗔𝗟 𝗥𝗜𝗖𝗘 𝗔𝗪𝗔𝗥𝗘𝗡𝗘𝗦𝗦 𝗠𝗢𝗡𝗧𝗛 𝗔𝗧 𝗢𝗥𝗚𝗔𝗡𝗜𝗖 𝗔𝗚𝗥𝗜𝗖𝗨𝗟𝗧𝗨𝗥𝗘 𝗠𝗢𝗡𝗧𝗛, 𝗜𝗡𝗜𝗟𝗨𝗡𝗦𝗔𝗗 𝗦𝗔 𝗕𝗔𝗬𝗔𝗡 𝗡𝗚 𝗦𝗧𝗔. 𝗕𝗔𝗥𝗕𝗔𝗥𝗔

Matagumpay na pinasinayaan ang selebrasyon ng National Rice Awareness Month at Organic Agriculture Month ng Department of Agriculture- Agricultural Training Institute Region 1 sa Brgy. Tebag East, bayan ng Sta. Barbara kahapon, ika-13 ng Nobyembre.

Umikot ang programa sa tema ngayong taon na “Kabuhayang OA, Kinabukasan ay OK” kung saan hinihimok ng ahensya ang publiko na maging Rice-ponsible o responsable sa paggamit o pagkonsumo ng publiko sa bigas nang sa ganoon ay maiwasan ang pagkaaksaya nito.

Ang nasabing mga pagdiriwang ay sa ilalim ng dalawang proklamasyon na Proclamation No. 524, s. 2004 at Proclamation No. 1030, s. 2015 ng pamahalaan.

Dito, hinikayat din ang publiko na tangkilikin ang sariling mga tanim sa bansang Pilipinas lalong lalo na ang mga pananim na organic.

Sa naturang aktibidad, isinusulong din ng ahensya ang ABKD na gamitin ang Adlay, mais, saba at iba pa na ihalo sa kanin, Brown Rice ay kainin, Kanin at huwag sayangin at Dapat bigas sa Pilipinas. |𝙞𝙛𝙢𝙣𝙚𝙬𝙨