Nagpangayo sang pasaylo si ILECO 3 Gen. Manager Consorcia Peñaranda sa pagluntad sang tuman ka lawig nga brownout sang nagligad nga semana nga halos naglab-ot sang 22 oras.
Suno kay Penaranda, ila gid ginalikawan nga magluntad ang brownout sa nasakupan sang ILECO 3 apang bangud naghalin sa National Grid Corporation of the Philippines
Ginpahayag man ni Peñaranda nga nagapadala na sila sang sulat sa mga punong barangay sa mga kabanwahanan nga ila nasakupan agud mapahibalo ang mga pumuluyo kon may magaluntad nga brownouts.
Dugang pa ni Peñaranda nga may mga tion nga indi gid mapa-iway ang pagluntad sang power interruption sa pila ka mga lugar bangud man sa nagapadayon nga clearing operations.
Ginsabat naman ni Peñaranda ang isyu nga may mga local government units kag mga dalagko nga mga personalidad nga wala nagabayad sang ila electric bill.
Suno sa iya, nagapadayon ang collection sang ILECO 3 sa mga LGU kag humalin pa sadtong nagpungko siya bilang Gen. Manager sang ILECO 3, na-settle na nila ang mga past due accounts kag updated na ang ila balayran.
May gintukod naman nga taskforce ang ILECO 3 agud tutukan ang collection sang kooperatiba.
